عجزت أحكي لك إحساسي

عجزت أحكي لك إحساسي وأترجم لهفتي بالبوح
عجزت إني أعيش بصمت إلى من طال يذبحني
حبيبي شفت هالدنيا بها ناس تجي وتروح
ماهز القلب وإحتله ياكود إنسان يسكني
قسم باللي خلق ذاتي وخلى فالجسد هالروح
قسم بااللي ليامن مت وصرت عظام يجمعني
أحبك والغلا صادق ماهو لعب وسلا ومزوح
نزل دمعي نزف جرحي وذاك الشوق عذبني
أحس الكون في عيني فنى ومعادله مصلوح
مادام اللي أحبه حيـــل ماأجيه ولايجي عندي
أنا لامن كتبت حكى حب غدى مذبـوح
صرخ دمه بدون شعور كفى بالله إفهمني
حبيبي جاك إحساسي على صفا نقا ووضوح
كتبته قبل مايومي يجي والأقدار وتكتبني
وإذا قلبي خطا إعذر وقول إنه بعد مسموح
وإذا حبي معك قصر أسألك بالله سامحني
أبكتم حسرتي ......لكن بقول إنك ترى مسموح
وبخفي عبرتي فعيني قبل دنياي تعدمني
وتأكد حبك بقلبي لآخر ماتروح الروح
لأني مدري ساعتها من اللي قام يدفني

يعطيك العافيه اخوي